b8aya joro7 مشرفة عالم الشعر  معلوماتي
عدد المشاركات : 284 تاريخ التسجيل : 16/06/2011  | | موضوع: لحظة وداع وكنهآ لحظة المــووت..! الأحد يونيو 26, 2011 3:48 am | |
| رفعت كفي .. ماقدرت ارفع الصوت
لو كان فالخاطر .. كلام كتمته
لحظه وداع / وكنها سكرة الموت
ضاع الطريق .. اللي من اول رسمته
ضاع الطريق وصرت في الدرب مبهوت
مدري وش اللي فاتني ما اغتنمته !
العمر مرّ .. وراح مع فايت الفوت
صحيح ضعت .. وضاع حلم حلمته
الا انت ياللي قربك لروحي القوت
لو غبت / يبقى وسمك اللي وسمته
يبقى كما نقش على الصخر منحوت
حفظته .. بشكله ولونه وسمتّه
مهما الفراق اوجاع والبعد ممقوت
اصبح مصير من غلاك / احترمته
دمع النصر لو طاح من ( عين جالوت )
( عين العقل ) دمع تكنّه / حشمته
ذخرت لك يافرحة العمر .. تابوت
فيه الغرام اللي بديته / ختمته
يبقى الغصن لو مابقى فالغصن توت
تحرك انسام الذعاذيع .. صمته
سكّت .. وانا من موادعك مكبوت
شي تجاهلته .. وشي فهمته !
حبل الرجاء من جور الايام مفلوت
ياليت قلبي عن غرامك عصمته
ياما .. بنيت بيوت وبيوت وبيوت
اليوم .. كم بيت بنيته .. هدمته
اتمنى تعجبكم  . |
|
